نفسى اقابلك يا ريس وهقولك حال البلد يا ريس؟؟؟؟؟؟؟؟

انا فعلا نفسى ااقابلك ياريس فى كلام كتيييير نفسى اقلهولك فى اسئله كتيير نفسى اسئلها وانت ترد عليا
-----------------------------
ليه الاقطاع رجع تانى مصر ؟
ليه الهرم الاجتماعى فى مصر تم اتلافه ؟
ليه فى ناس كتيير عايشين تحت خط الفقر وناس تانيه اكتر ملايينهم كتييير ؟
ليه الكوسه لحد دلوقتى موجوده فى بلدنا ؟
ليه العاطلين فى مصر بيكتروا كل يوم عن اليوم اللى قابله ؟
ليه مشروع توشكى اللى اتكلف مليارات محدش استفاد منه لحد دلوقتى ؟
ليه الزراعه فى مصر بتنقرض ؟
ليه عندى احساس غريب ان مقوله محمد هنيدى لما قال ان الفلاح هيتلغى عشان مالهوش لزمه انها هتتحقق ؟
الا هو الفلاح هيتلغى فعلا ياريس ؟
ليه الحراميه كتير فى البلد ياريس ؟
ليه واحد زى السيد المحترم يوسف والى لم يتم الحكم عليه بالاعدام ؟
الا صحيح ياريس هو اتفاقيه تصدير الغاز الطبيعى الى اسرائيل انت وافقت عليها ؟
مليون ليه وليه ونفسى انت ترد عليهم ياريس
انا لا اتبع اى نظام او تيار سياسى لا الاخوان ولا كفايه ولا حتى الحزب الوطنى الديموقراطى
قريت مره من شعارات حركه كفايه
(( فليرحل على بابا والاربعين الف حرامى ))
بس انا مع فليبقى على بابا وليمت الاربعين الف حرامى
----------------------------
فى ناس كتير اكيد من الى تعرفنى مستغربه ازاى انا كاتب حاجه زى كده؟
الناس كلها عايمه على موجه الهجوم على الريس والنظام الحاكم فى مصر
بس محدش فينا عارف حاجه والريس بيقول الديموقراطيه وكل اللى عايز يقول حاجه يقول
دى حريه التعبير عن الراى ..... بس انا والله لو معايا 10000 بطاقه ترشيح للرئاسه هدى صوتى بيهم كلهم للسيد محمد حسنى مبارك
كل واحد فاكر ان رئيس بلد دى حاجه سهله انما محدش فكر يعنى واحد بياخد قرار سياسى مسئول عن نظام سياسى كامل فى البلد،
احنا بنتردد مليون مره واحنا فى الثانويه العامه نخش ادبى ولا علمى ولما بنخلص نفس السؤال ده بنقوله لنفسنا
نخش تجاره ولا اداب ولا حقوق ؟؟؟؟؟
انما لما تاخد قرار مش بيتعلق بيك انت انما ب 75 مليون واحد
اكيد ده قرار صعب
وفى النهاية حمد الله على السلامة يا ريس

والله يا ابو طه لو المطبخ السياسى دلوقت عايز يحل كان حل
بس انا فى اعتقادى ان الناس دول لو فضلو فى اماكنهم البلد مش هينصلح حالها ابدا لان النظام الوزارى والحكومى والحزب الوطنى وغيره من الاحزاب احزاب فاشله والاخوان يتصارعون من اجل الحكم فهم فاشلون ايضا ولا اقتنع بافاكرهم اطلاقا وربنا يصلح حال البلد بفضل لان البلد لسه فيها ناس محترمين ايضا يدافعون عن هذه البلد