يوميات الغلبان "ابو فتكات"

خرج ابو فتكات من بيته هذه المره بعد ما خلااااااااااااااااااااااااااص معدش قادر يقعد فى البيت اللى مفهوش غير مراته وولاده يعنى لا فلوس ولا اكل ولا حاجه خاااااالص وبدأ يتجول فى قريتنا الميمونه اهو يفك عن نفسه شويه ويريح نفسه،وهو ماشى يكلم نفسه قابله المعلم "حمبوزو"
حمبوزو:اهلا فتكاتى حبيبى
ابو فتكات:اهلا حمبوزو.....ازيك يا خويا
حمبوزو:تتصور ان بلدنا بقى ليها نشاطات خارجيه فى المنطقه؟؟؟؟
ابو فتكات:خارجيه......!!!!!!!
حمبوزو:امال يا ابو الفاتكونيا.....الناس كلها عادت بتتكلم على بلدنا وعلى مساعداتها الخارجيه للمنطقه
ابو فتكات:مساعدات......خارجيه......!!!!!.....اييييييه يا حمبوزو هو احنا لايقين ناكل يا منيل شكلك مكلتش بقالك كام يوم
حمبوزو:يبنى انت مش عايش فى البلد ولا اييييييه......احنا خلاااااااااص بقينا من ذوى السلطات والسياسات الخارجيه
ابو فتكات:اييييييه اللى حصل يعنى
حمبوزو:اشترينا بطاريه ماكينة غسيل كلوى ووديناها زنانيرى.......امال.....مش لازم نساعد المرضى بتوع المنطقه برده......لازم ننفتح على المنطقه....هنفضل نساعد فى الناس بتوع البلد بس لحد امتى
ابو فتكات:حسبى الله ونعم الوكيييييييل
حمبوزو:اييييييه يا عم مفروض تفرح.....خلااااااااااص بقى لينا اسم فى المنطقه
ابو فتكات:غوووووووووووووور من وشى يا وش السعد.......قال يعنى زنانيرى قال......جتنا نيله فى حظنا الهباب.يشوفونا عاملين اييييه الاول بدل زنانيرى.
احسن لى اروووووووح البيت انا طاااااالع لييييييه اصلا منه.....على رأى المثل::::من طلع من داره ................

ابو فتكات قاعد فى بيته والدنيا ناااااااااااااار خلااااااااااااااص معدش طايق نفسه
ابو فتكات::جتك نيله يا فوزيه....انا ايه اللى رمانى الرميه السوده دى
فوزيه:::يا خويا كان يوم اسود يوم متجوزتك.....مقعدنى فى بيت اوضه وصاله
ابو فتكات:مش احسن من العشه بتاعت ابوكى ......جتكم البلا
فوزيه:::عشه بس فيها تلاجه وبيشرب ميه ساقعه
ابو فتكات:::اسكتى يا موكوسه دا ابوكى جايبها بالقسط ومدفعش اخر خمس اقساط وهيدخل السجن.....علشان يشرب ميه ساقعه تانى.....ههههههههههههه
فوزيه:::جتنا نيله فى حظنا الهباب
ابو فتكات::لما اطلع من الجو النكد ده
طلع ابو فتكات من البيت وقابل الشيخ محفوظ
الشيخ محفوظ:::ايه يا فتكانى مش بتودى عيالك الكتاب ليييييه؟؟؟
ابو فتكات::كتاب ايييه يا شيخنا ....منجيلكش فى كتاب قادر يا كريييييم
الشيخ محفوظ:::لالالالالا....مش من حقك يا ابو فتكات تقول كده
ابو فتكات ::معلش يا شيخنا ....بس خلاااااااص الواحد معدش مستحمل خااااااالص وبعدين اللى بيسمع للعيال ناس صغيره زيهم
الشيخ محفوظ::بس احنا مبنخليش حد يسمع لحد الا اذا كان حافظ كويس جدا
ابو فتكات::ما انا حافظ جزء عم ....وبالتشكيل كمان ....يعنى هحفظهم انا
الشيخ محفوظ::بس انت مش بتقرى ولا تكتب يا ابو فتكات
ابو فتكات::يا شيخنا العلم فى الراس مش فى الكراس
الشيخ محفوظ::والله براوه عليك يا ابو فتكات......سلاااام بقى انا ماشى
ومشى الشيخ محفوظ ....ورجع ابو فتكات للبيت

الوزير كتب:

مش عارف ايه الهدف من الموضوع ده

كما ترى........بدون هدف......والحدق يفهم.....ولو عايزين تحذفووووووه احذفوووووووووه
شرفنى مرورك يا استاذ محمود

سلامه صقر كتب:

[ندعوك للتسجيل في المنتدى أو التعريف بنفسك لمعاينة هذا الرابط]

الله يخليك يا عمى

معلشي يا دوك كلمني عربي اصل انا تعليم مدارس حكومه وبعدين المفروض تفتخر بلغة القرآن ولا ايه يا شيخ ارجو انك تقبل رآي حتي لو كان مش عاجبك عشان احنا في الاخر اخوات مهما اختلفت وجهات النظر مفيش خلاف بأذن ربنا

الوزير كتب:

معلشي يا دوك كلمني عربي اصل انا تعليم مدارس حكومه وبعدين المفروض تفتخر بلغة القرآن ولا ايه يا شيخ ارجو انك تقبل رآي حتي لو كان مش عاجبك عشان احنا في الاخر اخوات مهما اختلفت وجهات النظر مفيش خلاف بأذن ربنا

انا برده تعليم مدارس حكومى
وربنا ميجبش خلااااااف
وانا عدلت الرد يا سيدى

صباحك فل يادوك يا ريت متكنش زعلان

الوزير كتب:

صباحك فل يادوك يا ريت متكنش زعلان

مستحيل ازل منك يا استاذ محمود...........حد يزعل من اخييه الكبيير؟؟؟؟؟

ابو البلح بيشور بعد ان اعلن ابو فتكات ان معاه 7 دنانير ونص صاج الاصيل
ان نجيب حصيره للضيوف في القاعه العلوي الجديده حتي هواها بحري
ابو فتكات ماذال يراوغ والدنانير راحت طارت طارت مطرح ما طارت

والله انا عارف ان الدكتور احمد مش قاصد حد بعينة فى البلد وانا متاكد من دة بس ياريت يادكتور لما تكتب حاجة توضح المقصود منه لان فى ناس بتفهم غلط فممكن تدخلك فى مشاكل زى ما شفت فى الردين السابقين بس ياريت اللى عاوز يتكلم يشوف هو عمل اية للبلد دى وبعد كدة يتكلم
وبعدين ياريت اللى شايف حلجة وحشة على واحد يروح يقول لة مش يقول من وراة ولما ييجول قدامنا نظهر اننا نحبهم اوى

never give u كتب:

والله انا عارف ان الدكتور احمد مش قاصد حد بعينة فى البلد وانا متاكد من دة بس ياريت يادكتور لما تكتب حاجة توضح المقصود منه لان فى ناس بتفهم غلط فممكن تدخلك فى مشاكل زى ما شفت فى الردين السابقين بس ياريت اللى عاوز يتكلم يشوف هو عمل اية للبلد دى وبعد كدة يتكلم
وبعدين ياريت اللى شايف حلجة وحشة على واحد يروح يقول لة مش يقول من وراة ولما ييجول قدامنا نظهر اننا نحبهم اوى

اولا يا هلا بالأخ "نيفر فورجيت يو" وشرفنى مرورك
ثانيا انا _والله والله_حينما اردت كتابة هذا الموضوع لم ارد ان اجرح فى احد او ان انقد احد ولكن اردت ان انقد افعال ومواقف وسلوكيات لا اريد ان اراها فى البلد
ثالثا:احنا فعلا بننصح ونوعى بس كل واحد بيقف عند رايه وهو متأكد انه غلط وبيفضل يزين فيييييه
عموما اقسم بالله انا لم اقصد تجرييييح اى شخص.......ولا اهانة اى شخص.......انا انقد افعال وليس اشخاااااااااص.وجميييع اهل البلد المحترمييييين على رأسى
وبعدين يا استاذ هيثم شخصية "ابو فتكات " انا اقصد بيها واحد مقهور من المقهورين وانت خليتها غير كده خااااالص
فحفاظا على سير السلسله يا ريت تعدل ردودك والا ههحذف مشاركاتى.دا موضوع واللى وراه مفروض ردود علييييه مش مواضيع زيه......يا ريت تعدل مشاركاتك....فضلا وليس امرا
يا ريت يا استاذ هيثم تعدل مشاركاتك بسرعه علشان اقدر اكمل السلسله........ابو فتكات دا واحد غلبااااااااااان مش زى ما انت صورته
احذفاسم ابو فتكات يا ريت

never give u كتب:

والله انا عارف ان الدكتور احمد مش قاصد حد بعينة فى البلد وانا متاكد من دة بس ياريت يادكتور لما تكتب حاجة توضح المقصود منه لان فى ناس بتفهم غلط فممكن تدخلك فى مشاكل زى ما شفت فى الردين السابقين بس ياريت اللى عاوز يتكلم يشوف هو عمل اية للبلد دى وبعد كدة يتكلم
وبعدين ياريت اللى شايف حلجة وحشة على واحد يروح يقول لة مش يقول من وراة ولما ييجول قدامنا نظهر اننا نحبهم اوى

اولا اتقبل نقدك وانكان مخالف للحقائق انا عدلت الردود بس من اجل الدكتور احمد
تاني حاجه انا بيتي مش فيه حته قزاز عشان اخاف لحد يحدفني فيها والحمد الله
ثالثا الموضوع كلو سخريه ونقد بناء حي لا نسقط في نفس الغلطات تاني
رابعا الحمدالله انا اقدر اوجه التخيين وابقي اسأل عرف
خامسا الي علي راسو بطحه ديما حاسس بيها
سادسا انا باعتذر للدكتور احمد من اي احراج احط بيه ولو عايز اشيل المشاركات
ااشيلها عادي ولا حد يزعل نفسه
عامه النعامه تتدفن رأسها في الرمال خوفا ولكن ما تقوم به لا يذهب بالخطر بعيد
في النهايه احترم جميع الاراء والتعليقات
وننتظر الجديد

يقول الله تعالى :
وما يلفظ من قول الا لديه رقيب عتيد....صدق الله العظيم
هذه الكلمه نقرأها كثيرا ولكن لا نعرف معناها نأخذها ظاهرا فقط ولا نعمل بها..
(تحذير الى الجميع)
الرجاء من جميع الاعضاء الكرام عدم المس بأي انسان مهما كان عن طريق المنتدى ..
المنتدى ليس مكانا لفض النزاعات...
* تهيب اداره المنتدى بأنه سوف يتم حذف اي عضو يقوم بالخروج عن النصوص والقوانين التى وضعها الله عز وجل للانسان ليعيش بها.
الرجاء من الجميع العلم بأن منتدانا انشىء ليكون نظرة نحو التقدم بقريتنا الغاليه.
فساعدونا على ذلك...........
ادارة المنتدى................

يا جماعه انا شايف ان الموضوع مش مستاهل كل الحكايه دي ...
كل منا وله رأي ......الموضوع ما هو الا موضوع ترفيهي

محمود الوزير كتب:

يا جماعه انا شايف ان الموضوع مش مستاهل كل الحكايه دي ...
كل منا وله رأي ......الموضوع ما هو الا موضوع ترفيهي

تسلم يا ابن عمى......الموضوع ترفيهى هادف
بشوف حاجه مش عاجبانى وبحطها فى اطار كوميدى سااااخر.....دا كان قصدى

كعادته ابو فتكات يجلس فى بيته ومش عاجبه العجب ولا الصيام فى رجب
ابو فتكات:اييه يا فوزيه عامله ايييه على الغدا انهارده........طابخه لينا اييييه؟؟؟؟؟؟
فوزيه:طابخه عيش وحبة مش
ابو فتكات:ومالك مبسوطه قوى كده وانت بتتكلمى........جتك البلا وانت من يوم مجيتى وانا مشفتش يوم عدل
فوزيه:على راى المثل رضينا بالهم والهم مش راضى بينا....مش عاجبك طلقنى......واول ما العده بتاعتى تخلص هتلاقى العرسان على بيتنا طاااابور
ابو فتكات:اللى زيك ملهمش عده......تكونيش مفكره نفسك ست.....جتك نيله
وخرج ابو فتكاات من البيت وقابل الاستاذ درويش
الاستاذ درويش:اهلا يا فتكاتى.....عامل ايييه انهارده؟؟؟؟
ابو فتكات:زى امبارح.......ايييه اخبار نتيجة الامتخانات
الاستاذ درويش:عندنا فى المدرسه الابتدائيه التزام بان كل طالب ياخد حقه يا ابو فتكات
ابو فتكات:بأمارة عيال المدرسين اللى بيطلعوا الاوائل عندكم ويروحوا الاعدادى يتفضحوا.........جتكم نيله وانتم فاضحين نفسكم فى البلد.....وتقولولى مربين اجيال......دا انتم عايزين تربيه الاول
الاستاذ درويش:عيب يا ابو فتكات اللى انت بتقوله ده
ابو فتكات:اتلهى يا خويا ......روح شووووف ترتيب الناس اللى فى اولى اعدادى وتانيه اعدادى وشوف ترتيبهم كان ايه عندكم.......يفضحكم ربنا اكتر واكتر......انا ماشى دى الوقفه معاك تجيييب الضغط
ورجع ابو فتكات بيته.......

Admin كتب:

يقول الله تعالى :
وما يلفظ من قول الا لديه رقيب عتيد....صدق الله العظيم
هذه الكلمه نقرأها كثيرا ولكن لا نعرف معناها نأخذها ظاهرا فقط ولا نعمل بها..
(تحذير الى الجميع)
الرجاء من جميع الاعضاء الكرام عدم المس بأي انسان مهما كان عن طريق المنتدى ..
المنتدى ليس مكانا لفض النزاعات...
* تهيب اداره المنتدى بأنه سوف يتم حذف اي عضو يقوم بالخروج عن النصوص والقوانين التى وضعها الله عز وجل للانسان ليعيش بها.
الرجاء من الجميع العلم بأن منتدانا انشىء ليكون نظرة نحو التقدم بقريتنا الغاليه.
فساعدونا على ذلك...........
ادارة المنتدى................

انسان مين الي جت سيرتو الكل اكد ان الموضوع نقد ساخر لما يدور حولينا ولا هي الموضوع فرد عضلات علي الفاضي
وتاني حاجه اه الي بدخل الدين في الموضوع ليه
تالت حاجه قرارت الادمن كلها محل تساؤل الجميع يجب استخدام العقل قبل اتخاذ القرارات

never give u كتب:

والله انا عارف ان الدكتور احمد مش قاصد حد بعينة فى البلد وانا متاكد من دة بس ياريت يادكتور لما تكتب حاجة توضح المقصود منه لان فى ناس بتفهم غلط فممكن تدخلك فى مشاكل زى ما شفت فى الردين السابقين بس ياريت اللى عاوز يتكلم يشوف هو عمل اية للبلد دى وبعد كدة يتكلم
وبعدين ياريت اللى شايف حلجة وحشة على واحد يروح يقول لة مش يقول من وراة ولما ييجول قدامنا نظهر اننا نحبهم اوى

قبل التخبيط بجهل
روح واسأل مين الي اسس جمعيه تنميه المجتمع
مين الي كان مخلص سور مدرسه الابتدائي القديمه لولا شكاوي المعارضين
مين الي مخلص ورق الجامع الكبير مين الاول الي جري وري بني الدور التاني بالاعدادي اعد كمان ولا خلاص كفايا

لاتتناسو التاريخ فتنسو انفسكم

[color=red] بخصوص الموضوع اشكر الدكتور احمد على اثارتة لهذا الموضوع لانة يعالج بعض قضايا البلدة التى يسعى المنتدى اللى المساهمة فى رقيها بنشاط شبابة وارائة المتحررة وخبرات كبار هذا المنتدى مثل بعض الشصيات المحترمة مثل الاستاذ حمدى

والله أحمد أبوسلامة لو طايل يولع فى المنتدى أكتر من كده حيولعه
اهدى يا حج أحمد مش كل موضوع تكتبه يكون قريب من البنزين

ابن البلد كتب:

والله أحمد أبوسلامة لو طايل يولع فى المنتدى أكتر من كده حيولعه
اهدى يا حج أحمد مش كل موضوع تكتبه يكون قريب من البنزين

مااااااشى يا محمد....خلااااااااص يا عم

ليه ياريس أنا بحاول أطفى المشكلة أنا جاى أهدى النفوس