نكت اقرأ وجرب حظك هههههههههههههههههه

[size=12]

- واحد بيقول واحد بس عيب مراتك تحدفك بالشبشب كده واحنا قاعدين راح بصصله وقله بس بذمتك جيه فيا.

- محشش بيقول اخوه سبحان الله الانسان ده ذي البني ادم اذا توفي خلاص مات.

- واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.

- مرة واحد بلدياتنا وقع فى حفرة نزلولوا حبل طلع مخنوق .

- مره واحد مسطول ماشى فى الشارع لقى مزيعه بتقوله لو سمحت فين القمر قالها اهوه
قالتلو مبروك كسبت عشرين جنيه قالها فى واحد تانى هناك اهوه.

- مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجيه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش.

- مره مسئول كبير راح يفتتح حمام سباحه كبير في سوهاج

فكان مدير الحمام بيشرحله مميزات الحمام فقال:

ده يا فندم المنط العشرين متر اطلع يا محمدين نط فنط

و ده يا فندم المنط الاربعين متر اطلع يا حسنين نط فنط

فقال المسئول هايل هايل

فقاله المدير ولسه كمان يا فندم لما نملاه ميه.

- مرة واحد بتاع سمك ابنه مات فماشى فى الجنازة يقول: كان صاحى وبيلعب.


- واحد ندل اوي راح علي الترب وشغل اغنيه الحياه حلوه.


- مرة واحد مسطول مروح البيت وبقالو ساعة مش عارف يفتح الباب مراتة
من البلكونة بتقولو ارميلك المفتاح قالها لا المفتاح معاية ارميلى
خرم الباب.

- مرة واحد غبي راح يخطب فوالد العروسة بيقولة احنا عايزين مهر عشرين
الف جنية قام الغبي قالة لية دا انا قدامي واحدة على خمس تلاف
وحامل.

- عشرة صعايدة بيتعلموا ربط الكرافتات تسعة ماتوا وواحد فى حالة
حرجة

- واحد كهربائى اتجوز أربعة...جابلهم مشترك


- ثلاثه مساطيل بيحكو مع بعض, اول واحد بيقول: انا لو معايا
فلوس اشترى امريكا الجنوبيه , والتانى : قال وانا لو معايا فلوس
اشترى امريكا الشماليه, فرد الثالث: ومين قالكم انا هبيع

- اثناء مرور مدير مستشفي الامراض العقلية علي عنابر النزلاء وجد
احدهم يكتب جوابا فسأله المدير: بتكتب جواب لمين، المريض: با اكتب
جواب لنفسي، المدير: فيه حد بيكتب جواب لنفسه طيب بتقول فيه ايه،
المريض: سبحان الله.. واعرف منين مش لما الجواب يوصلني.

- دكتور نفساني في مستشفي الامراض العقلية قرر ان يستعمل طريقة جديدة مع المرضي راح واخدهم رحلة لاسكندرية فالمرضي قاعدوا يلعبوا ويتنططوا فلقي واحد قاعد لوحده رايح قال الحمد لله طريقتي نجحت
راحله الدكتور وقاله انت مش بتلعب معاهم ليه رد عليه وقاله ليه هو انا مجنون راح الدكتور قاله امال انت قاعد بتعمل ايه , قاله بتخيل لو البحر ده كله ملوخية هنكفيه عيش منين.

- طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك.



- محشش في قاعة الإمتحان مش عارف يحل والإمتحان كله صح و غلط راح مطلع بريزه ولعب ملك وكتابة على الإمتحان خلص الإمتحان في نص ساعة وهو خارج طلع البريزة تاني وشغال ملك وكتابة صاحبه مسطول بيسأله : بتعمل ايه .. ما خلاص !! قال سيبني .. بتأكد من الاجوبة

- مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين


- واحد اتصل بمراتة قالها حضري المية السخنة راح صاحبة قالة انت حمش قوي قالو امال هاغسل المواعين بمية باردة.

اتمني ان تنال اعجابكم

دمتم في رعايه الله وامنه

[/size]

ههههههههههههههههه
بايخة

شكرا على مرورك غير اللطيف ده ابن البلد وشكرا جزيلا

بجد مشاركه جميله و نكت جامده تسلم ايدك

انت بتجاملة يا وزير ولا بتتكلم بجد
يا عم دى نكت
انت متعرفش ان النكت حرام ولا ايه

والهي ياعم ما بجامله وعيب الطريقه الي بتكلم بيها دي ابو كريم بجد مشاركته كلها في قمة الاحترام وفعلا لو مش عاجبك حاجه متردش وانت ملكش حق اصلا تقول بجامل ومبجاملش ده مش من حقك

ماشى يا وزير جامله جاملة
وبعدين يا ابوكريم مالك متعصب ليه هدئ من روعك

على العموم متزعلش يا عم
يالا صافية لبن

انا كده عامل زي الي دخل بين البصله وقشرتها ههههه عاما مفيش احسن من اللبن الصافي والحليب والقشطه

والله احسن حاجه ان الواحد في الزمن ده يسمع كل حاجه وعادي مش فرقه
بكره نوصل ان مجرد الضحك يكون حرام وعجبي
يا ريت الي يحرم ويحلل يجيب نصوص او فتاوي ازهريين من العلماء الاجلاء
عامه موضوع جميل وننتظر الافضل

هيثم الوزير كتب:

والله احسن حاجه ان الواحد في الزمن ده يسمع كل حاجه وعادي مش فرقه
بكره نوصل ان مجرد الضحك يكون حرام وعجبي
يا ريت الي يحرم ويحلل يجيب نصوص او فتاوي ازهريين من العلماء الاجلاء
عامه موضوع جميل وننتظر الافضل

ايه الى حرام وايه الحلال هوه أصلا حد اتكلم عن الحلال والحرام هنا
هههههههههههههههههههههههههههههههههههههههههه

اول مرة اسمع ان النكت حرام
هى حرام بجد
بكرة اسمع ان الضحك والهزار هم كمان حرام
وبكرة اسمع ان الاكل والنوم حرام
نفسى اعرف مين اللي بيطلع الكلام والفتاوى على مزاجه
يا ريت يا ابو سعدى تقولى من الشيخ ده اللي قال ان النكت والهزار الحرام
احنا فى زمن كله فتاوى وكل من هب ودب يقول انا شيخ ويعمل نفسه بيعرف يفتى
انا والله يا ابو سعدى مش اقصدك باى حاجة بس ان اقصد الجماعة المشايخ والدراويش اللي قعدين يفتوا على الفاضى والمليان

بسم الله الرحمن الرحيم

السؤال

ما حكم النكت في ديننا الإسلامي، وهل هي من لهو الحديث،

علمًا بأنها ليست استهزاء بالدين.. أفتونا مأجورين؟

الجواب:

التفكه بالكلام والتنكيت إذا كان بحق وصدق فلا بأس به، ولا سيما مع عدم الإكثار من ذلك

وقد كان النبي صلى الله عليه وسلم يمزح ولا يقول إلا حقًا صلى الله عليه وسلم


أما ما كان بالكذب فلا يجوز

لقول النبي صلى الله عليه وسلم: (ويل للذي يحدّث فيكذب ليضحك به القوم ويل له ثم ويل له)

أخرجه أبو داود والترمذي والنسائي بإسناد جيد، والله ولي التوفيق.



المصدر: موقع الشيخ ابن باز رحمه الله

جزاك الله خيرا يا أحمد
أنا لسه شايف الردود حالا وكنت فعلا حستدل بالحديث وفتوى