دى مش رجولة خالص

مش
رجوله منك خالص علي فكره

- مش رجوله منك انك تروح
الاستاد قبل الماتش 8 ساعات بدري في حين انك بتنزل
صلاه الجمعه في
الركعه التانيه

-مش رجولة منك تعاكس واحدة ف
الشارع (أياً كان لبسها) لمجرد انها لوحدها
رغم انك عارف كويس جداً
انها لو كانت ماشية مع واحد عمرك ما هتعرف تبصلها
(أياً كان لبسها
بردو)

-مش رجولة منك انك
تبتسم ف وش خطيبتك أو زميلتك ف الكلية لحد ما يجيلك شد
عضلي ف وشك
وترجع البيت متحاولش تبص ف وش أمك أو ابوك أو حتى تكلمهم !!!!!

-مش رجولة منك تسقّط
البنطلون ولما تتسأل ليه تقول بكل بساطة علشان حجره
ضيق !!!!!!!!!

-مش رجوله منك انك
تفضل ماسك السجاره طول اليوم وانت لسه بتاخد مصروف من
ابوك

-مش رجوله لما تسمع
اللي بيحصل في فلسطين وتقول وانا مالي لما يبقوا ييجوا
مصر

- مش رجوله لما تبقي
عارف انك غلطان وبتكابر لمجرد انك مش عايز تقول اني
غلطان

-
مش رجوله انك تكدب علي حد لمجرد انك تضحك

- مش رجوله لما تقف
ساعتين تتخانق مع واحد صاحبك عشان هو اهلاوي وانت
زملكاوي ..في حين
انك مش هتقف خمس دقايق تكلم في مساله دينيه

- مش رجوله منك لما تقف
تتجادل مع واحد اذا كان عمرو دياب احسن ولا تامر
(كتك ستين نيله)

- مش رجوله لما تضرب واحد
اصغر منك في الجسم مع انك هتبقي كتكوت لو هو اكبر
منك حبتين مع انه
نفس الموقف

-مش رجولة منك انك
تتريق على اللي رايح واللي جاي لمجرد التريقة وكل واحد
فينا فيه
العبر

-مش رجولة منك لما
تكون قاعد ف مواصلة وتلاقي راجل كبير مش قادر يقف
ومتقوملوش....

-ومش رجولة خااااااااالص
انك تكون ف نفس المواصلة وتشوف بنت أو ست كبيرة
الناس عمالة تعدي من
جنبها وتخبط فيها وانتا قاعد كالثلجة الشمالية
!!!!!!!!

ومش رجولة والدك يكون بيصرف عليك دم قلبه من صغرك
وانت ولا تقدر اللى هو بيعمله عشان ولو بكلمة واحدة

وطبعا مش رجوووولة خااالص
تعد تلبس سلسلة وحظاظات وغيرها اللى
الشباب ال..... بيلبسوها دلوقت

الخ....الخ....ألخ

وعموماً......في ناس
الكلام مش هيأثر فيهم لسبب بسيط جداً

ان الرجولة ملهاش قطع
غيار

يا عم متسودهاش كده زي ما في ناس كده في ناس رجاله بجد ربنا يهدي الجميع يا رب

بأمانه ومن غير مجاملة ده اجمل موضوع انا قريتو في المنتدى لحد دلوئتي ... معاك حق الرجولة ملهاش قطع غيار !!!
تسلم .. Smile

هل كل رجل يدرك معنى الرجولة الحقيقية ؟ لا نعتقد ذلك .. ولكن ما هي الرجولة الحقيقية .. تعالوا نعرف معانيها الحقيقية

وبوضوح تام .. هيا نكتشف ذلك

الرجولة

كلمة شرف وموقف عز !

هي البذل والعطاء والتضحية والفداء!

هي أن تحسن إلى من أحسن إليك ولا تسيء إلى من أساء اليك !

هي أن تحترم الآخرين وتحترم وجهات نظرهم ولا تستصغر شأنهم ولا تسفه ارائهم !

هي أن تقول الحق وتجهر به ولا تأخذك فيه لومة لائم !

هي الشهامة والمروءه في أجلى معانيها !

هي أن تعطي كل ذي حق حقه !

هي الأخلاق الكريمة والمعاملة الحسنة!

هي تحب لغيرك ما تحب لنفسك !

هي إنصاف المظلوم من الظالم !

هي أن تمد يد العون للمحتاج في كل الظروف !

هي تعرف قدر نفسك فلا تتجاوز بها الحد !

هي أن تغفر وتعفو عند المقدره وأن تمسك نفسك عند الغضب!

هي أن تمسح بيد حانيه دمعة ألم عن وجه بائس !

هي أن تنام قرير العين مرتاح الضمير غير ظالم !

كم من تلك الصفات تجدها في نفسك

قد تجتمع الصفات في رجل واحد ،

وقد يجتمع الرجال في صفة واحدة .

فلتسأل نفسك أخي العزيز اي الرجال انت

تسلم ابن البلد

أشكرك يا ايمى على ردك الجميل وانه لوسام اعتز به على صدرى
واشكرك استاذ حمدى على التوضيح للجميع
وشكرا لكل من مر وساهم فى الرد على موضوعى

مش رجوله لما تسمع اللى بيحصل فى فلسطين وتقول وانا مالى لما يبقو ييجو مصر
_مش رجوله منك لنا تقف تتجادل مع واحد اذا كان عمرو دياب احلى ولا تامر

بصراحة كلهم حلوين
والموضوع نفسة جميل ومتميز
شكراااااااااااا اخى ابن البلد على موضوعك الرائع

اسكت مش طلعو قطع غيار .......................
قطع غيار جايه من الصين.................

والله أنا معاك يا أخ mostafa
انك ممكن تجد لكل شىء قطع غيار الا اثنان الدين والرجولة وأرجو ألا تزعل منى فهذا الموضوع لا يستحق فيه الهزار وأشكرك على مرورك الطيب

[ندعوك للتسجيل في المنتدى أو التعريف بنفسك لمعاينة هذه الصورة]