أضواء الامير
مرحبا بك زائرنا العزير وجودك يسعدنا..
ولكن .. بتسجيلك معنا نزداد شرفا..
سجل معنا لتكون ضوءا جديدا من اضواء الامير.......


منتدى ابناء قرية منشأة الامير
 
الرئيسيةبحـثالأعضاءالتسجيلدخول

شاطر | 
 

 اختبار لقياس مستوى ذكاء المواطن المصري‏

اذهب الى الأسفل 
كاتب الموضوعرسالة
محمد الديب
ضوء جديد
ضوء جديد


عدد المساهمات : 36
تاريخ التسجيل : 14/04/2010

مُساهمةموضوع: اختبار لقياس مستوى ذكاء المواطن المصري‏   الخميس أبريل 22, 2010 7:56 pm

هناك من شكك فى ذكاء انسان مصر وبناء عليه قرر عمدة القرية الذكية اجراء اختبار لقياس مستوى ذكاء المواطن المصرى , استلمت الأسئلة وقمت بالاجابة عنها ملتزما بالشروط التى ذكرت فى رأس ورقة الأسئلة التى تنص على أن زمن الاجابة فترة واحدة تجدد بموافقة مجلس الشعب , وان الاجابات يشترط اجابتها بقلم حبر فوسفورى وأنه لن يلتفت الى لأوراق الاجابة غير المرفق بها طابع شرطة وان الامتحان سيكون تحت اشراف القضاء فى الاسلام .

يا مسهل بدأ يفتح ورقة الأسئلة ويجاوب


# هل صحيح ان كتر السلام يقل المعرفة ؟

__ صحيح فيما عدا السلام مع اسرائيل , كتر السلام معاها يعمق المعرفة والبيزنس

# القيادة السياسية تدرس مع القادة العرب فرص احياء عملية الاسلام ؟

__ أهى دى بالذات حاجة محدش يقدر يحييها غير اللى خلقها

# # يقال إن87%من الشعب المصرى ساخطون على الحكومة المصرية ... ما تعليقك ؟

___ ال 13% الباقيين فى بورتومارينا

# تقرير :45% من الشعب المصرى مصابون بمرض السكر .. ما تعليقك ؟

__ آدى اللى خدناه من" الحلوانى " اللى بنى مصر

# ما أهم مظاهر الفهلوة عند المصريين ؟

__ انهم يشكون فى الشحات ولا يشكون فى النصاب

# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟

____ أتوقع أن نقرأ قريبا أخبارا عن زملكاوية المهجر .


# ليه الحزب الوطنى بيعمل اعلانات لنفسه مع ان البلد كلها بتاعته ؟
___ زى ما شبكة الأوربت بتعمل اعلانات لنفسها على شاشة الأوربت .


# ما الفرق الأهم بين مصر وأمريكا ؟

__ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟

__ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟

___ الأثنان مصدر " للكهرباء"

# لماذا يطلق المصريون على زوجاتهم لقب " الحكومة "؟

__ لصعوبة تغييرها مهما تسببت فى كوارث



# أين يمكنك أن تلاحظ سوء نية المصريين ؟

___ عندما يغنون للطفل البرىء اللى لسه بيستمتع بالرز مع الملايكة بمنتهى الخبث قائلين .... يارب يا ربنا " تكبر وتبقى زينا

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
_ علشان بيشتغلوا فى القطن , و " القطنة ما بتكدبش " .

# امتى بتحس ان البلد حلوة ؟

___ ما باحسش ان بلدنا حلوة غير لما داليدا تقول : " حلوة يا بلدى ") .... بغض النظر انها قالتها وانتحرت .)

# امتى هناكل جوافة من انتاج مزارع توشكى ؟

_____ المفتى قال " الجوافة حرام ":


# ما العلاقة بين عصام الحضرى وسمن روابى ؟

___ الطعم فلاحى وتحدى

# هل لك أقارب استشهدوا فى الحرب ؟

___ لأ عندى أقارب استشهدوا فى السلام .... " السلام 98" .

60% من الرجال المصريين يشخرون وهم نائمون ...... ما تعليقك ؟

___ ال 40 % الباقيين بيشخُروا وهما صاحيين .

# ما تعليقك على أن المصريين لا يتحدون الا لما يكون المنتخب بيلعب ؟
__ الاستاد هو الحل !

# ما الدليل على أن مصر بلد الامان ؟
___ الدليل ان الواحد بيتردد كتير قبل ما يدخل أى قسم شرطة .

# ايه الكلمة اللى ما بتحبش تسمعها وانت فى أوضة العمليات ؟
__ يا خسارة

# ما الفرق بين الزوجة المصرية والزوجة اللبنانية ؟
0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟

___ أفنيته فى اشارة قصر النيل مستنيها تفتح , وفى صلاح سالم مستنيه يتحرك , وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟

___ شركات المحمول , كله واقف فى الاشارة ماسك الموبايل , بيخلص شغل أو بيعتذر عن التأخير أو بيسلى نفسه على الأقل , وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".

المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث "

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟

____ علشان البلد تتقدم بينا

## ايه اكتر حاجة بتجمعنا كمصريين ؟

____ حبنا للكابتن ابوتريكة

-- حبنا لأبو تريكة بيجمعنا وينسينا اننا مسلمين أو مسيحيين
حبنا لمصر ساعات بيقسمنا اتنين

_ _ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى , ما أظنش ان فيه حد فينا دعى لمصر بأى حاجة من زمان

-- حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " , لكن لما الغزاوية دخلوا عندنا فعلا قليلين اللى ساعدوهم

--- حبنا لأبو تريكة خلا معظمنا يمشى فى الشارع لابس تى شيرتات عليها رقم 22 , حد فيكم فكر يعلق علم مصر فى البلكونة عنده ؟ .

### لماذا يقال عن الشعب المصرى انه شعوب فوضوى ؟
--- علشان بيكره " النظام "

# اذكر اسم شخصية عامة معروفة ما بتكبرش أبدا
"بـــــكـــــار"
الرجوع الى أعلى الصفحة اذهب الى الأسفل
المهاجر
ضوء جديد
ضوء جديد
avatar

عدد المساهمات : 96
تاريخ التسجيل : 15/04/2010

مُساهمةموضوع: رد: اختبار لقياس مستوى ذكاء المواطن المصري‏   الخميس أبريل 22, 2010 8:59 pm

المشاركه حلوه صراحه وبالنسبه لنقطة ابوتريكه لأن انا شايف ان الكوره ملهاش علاقه بالوطنيه او بحب مصر وابوتريكه واحد عادي جدا مش بطل قومي بس الفكره بالعكس ده باخد ملاين المفروض تنصرف علي حد افيد زي علاج واحد غلبان او دعم مقاومه اي مسلم بيقاوم محتل احنا معدش عندنا حد نعتبره بطل عشان كده بنخترح ابطال وبلدنا معدتش بتكسب في حاجه عشان كده بنخترع لها انتصارات ايام عبدالناصر كنا بنفرح عشان الانتصار علي الاستعمار في اي مكان وايام السادات كنا بنفرح بعودة سينا الايام دي بنفرح بالكوره وانا سايبلكو ملاحظة الفرق
الرجوع الى أعلى الصفحة اذهب الى الأسفل
مصطفى السعيد
ضوء جديد
ضوء جديد
avatar

عدد المساهمات : 25
تاريخ التسجيل : 10/04/2010

مُساهمةموضوع: رد: اختبار لقياس مستوى ذكاء المواطن المصري‏   الإثنين أبريل 26, 2010 2:51 pm

الموضوع جميل لكن لا اعلم هل هو كوميدي ام ساخر
لو انه كوميدي فمكانه في قسم ترفيه
مشكووووور على المجهود يا كبيييير Embarassed
الرجوع الى أعلى الصفحة اذهب الى الأسفل
ابن البلد
ضـوء فـضـي
ضـوء فـضـي
avatar

عدد المساهمات : 288
تاريخ التسجيل : 13/04/2010
العمر : 27
الموقع : http://universityshabab.montadarabi.com/forum.htm

مُساهمةموضوع: رد: اختبار لقياس مستوى ذكاء المواطن المصري‏   السبت مايو 01, 2010 2:00 pm

سواء كان تأليفك او منقول
فهو
راااائئئئئئئئئئع

هذا هو شعب مصر
يقول النكته في الجد
يتعامل مع الموقف بسخريه مميته وقاتله
توبك جميل وهادف ومضحك

وكما يقولون
شر البليه ما يضحك
الرجوع الى أعلى الصفحة اذهب الى الأسفل
http://universityshabab.montadarabi.com/forum.htm
 
اختبار لقياس مستوى ذكاء المواطن المصري‏
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أضواء الامير :: الامير العام-
انتقل الى: