الانجازات وحصرها الجزء الثاني

بسم الله والحمد والصلاة والسلام على رسول الله اما بعد فسلام من الله عليكم ورحمته وبركاته.
بدايه احب ان اتقدم بخالص الشكر الى الاستاذ سلامه صقر مع كامل احترامي وحبي وتقدير فتحيه طيبة وبعد
ساتوجه اليك استاذي الفاضل ببعض الاستفسارات بصفتك احد رجال الحزب الوطني الديمقراطي وايضا عضو بالوحده المحليه
اولا بالانسبه الى الاعمده التي ذكرتها بموضوعك اين هي طب انا وحضرتك عارفين راحت فين لكن اسمحلى اقول لاعضاء المنتدى راحت فين الاعمده
الاعمده احبائي اخذنا بها قرار وبصراحه مش عارف كان مع مين وتم الاتفاق على عقد جلسه بالوحده المحليه ومين بقه اللي راح طبعا رجالتنا وفعلا بدأ الاجتماع وتم النقاش حول الاعمده بعد الاجتماع مبقاش في اعمده لييييييييييه انا اقولكم ليه بصراحه مش عارف هنسال الاستاذ سلامه عليها لانه اعلم مني بالتفاصيل الا صحيح هي فين يا استاذ سلامه؟
اما عن اصل موضوع الاعمده ففيها كلام كتير
احبائي اعضاء المنتدى بعضكم لا يعلم قصه الاعمده من البدايه القصه وما فيها انه جاء الينا شويه اعمده لاناره المقابر طبعا دي كانت عايزه حنكه سياسيه من شخص مسؤل وهو السيد الاستاذ ف عامل ايه بقه صاحبنا ؟ انا اقول لكم راح جري ومضى على اعمده لاناره المقابر طبعا حاجه من اثنين اما ان يتم التوصيل اليها من عزبه الحاج سليم او عن طريق البلد ايهما افضل؟ طبعا عن طريق البلد طب ليه؟ لانه لو جائت عن طريق البلد كانت ستصل من البلد الى المقابر واللي يهمنا اننا ننور من البلد الى المقابر وليست المقابر نفسها وده لييييييه؟ للظروف الطارئه مثل عمليه الدفن ليلا وكان سيزرع الاعمده بدايه من البلد ولكن العدد المسموح غير كافي لان يصل الى المقابر هنا اللعبه كان من المفروض غرس الاعمده ويتقدم رجال الوحده المحليه بطلب استكمال وساعتها محدش هيقدر يقول انكم بتطلبو شئ مش بتاعكم لكن اللي حصل ان صاحبنا بالله طلع جري ومضى على انارتها من عزبه الحاج سليم وهنا كانت المصيبه لما طلبوا استكمال كان الرد باين وصريح انتو عايزين استكمال ليه علشان تضيئو المقابر المقابر فيها اضاءه اكيد عايزينه تنورو الطريق الزراعي علشان تنزهو الفلاحين لا مش موافقين في بلاد اولى من كده؟
وهنا ظهر دهاء رئيس الوحده
الخلاصه الكل سكت ومعرفش ليه غير الاستاذ سلامه هو اللي وقف واخد موقف جميل امام رئيس الوحده وكانت النتيجه اخذ قرار بثلاثه اعمده على الطريق العمومي امام فيلا الاحمدي وكفايه كده على موضوع الاعمده مع الشكر.
اما بالنسبه لصرف مبلغ 60000 جنيه لتزيين وتجميل الترعه المبلغ كان غير كده خالص كان 150000 طب الباقي راح فين خدو الغراب وطار ممكن يكون زي موضوع الاعمده
وهنا السؤال ينفع نزين الترعه ومفيش صناديق للزباله
اكيد الرد هيكون تم صرف صندوقان لتجميع الزباله
سؤالي لك استاذي الاستاذ سلامه ؟ ماذا يفعل الصندوقان ببلد كامله
وبعدين حتى لو جالنا 100 صندوق مش الاول نفكر ونقول بعد ما تتملى الصناديق هنودي اللي فيها فين طبعا مش في جيبي هههههههههه
وبعدين نفس اللي قينا فينا مفيش مره استفدنا من اخظأنا حتى اجمل شئ في البلد عملناه غلط وبنفرح كان من المفروض يتم التغطيه من اول البلد وده ليييييييييه؟ علشان نقدر نطالب باستكمال لكن كده نفس خطا الاعمده هو خطا التغطيه.. الا صحيح هنكمل التغطيه متى ؟ وشكرا
اما بالنسبه لجهود الحزب الوطني في بناء المعهد الديني
السؤال يوضحه لنا رجال القاعده الحزبيه للحزب الوطني ماهي جهودكم في بناء المعهد الديني؟
مخصص للمعهد الديني قطعه ارض منذ عشره اعوام وتم شراء الارض بالجهود الذاتيه ولم يتم البناء حتى الان اذن اين رجال الحزب؟
ودعني استاذي اوجه اليك عتابا خاصا لانك في موضوعك موضوع الانجازات لم تذكر اي شئ عن الجهود الذاتيه التي منها الصدقه الجاريه وغيرها
اتمنى الرد على استفساراتي؟ وشكرا
واعود واشكر الاستاذ سلامه على وقوفه امام رئيس الوحده المحليه بخصوص الاستيلاء الذي تم على الاعمدة خاصتنا
واتقدم بالشكر للاخ هيثم الوزير على دعوته لان انضم واكون احد رجال الحزب واعدك بذلك في القريب العاجل
واحب ان انوه للاعضاء ان ما تقدمت به ليس بغرض معين ولكن للصالح العام
وفي النهايه اشكركم واقدم اليكم خالص محبتي وتقديري

صحيح فين الحاجات دى ؟
ازاى بتوع الوحده الى هنا ساكتين ازاى؟
نفسى أعرف حل ؟
ليه احنا بنمشى فى السكه الغلط مبنفكرش فى الصح؟
ليه مش خايفين على البلد ؟
الكلام كتيييييييييييييييييييير والأسئله كتييييييييييره
بس أعرف ايه الحل ؟
وأشكرك شكرا جزيلا يا مصطفى سعيد على هذه المعلومات الجميله التى أوضحت فيها أشياء ذاهبه عن أعيننا

مشكور على الموضوع يا درش
وثانيا يا جماعة هو ده مكان نقول فيه نت وكلام فاضى ده
عيب يا جماعة انتوا مش صغيرين
ده منتدئ يعنى مش مكان نفضح بعض فيه
والله ما عارف اقول ايه ولا ارد اقول ايه بجد
يعنى الناس الغريبة اللي تدخل يضحكوا علينا والله انا ضحكت من ردكم امال الغريب يقول ايه
تعرفوا هيقولوا ايه
هيقولوا ايه الناس الغريبة والعجيبة دى وكلام تانى مش حابب اقوله
الموضوع جميل وكنا عايزين نمشى فى سير جميل وتعليق جميل بعيد عن التعليقات الخارجة والمضحكة فى نفس الوقت
شكلنا كدا يا جماعة وبلاسلوب ده مش هننفع نعمل منتدئ بجد
وانا صعبان عليا اقول للمشرف او الادمن يحذف الموضوع لانه موضوع مفيد للبلد
بس احب اقوله احذف اى ردود خارجة واى ردودو تضحك بجد علينا اى حد
وسلام وعلى امل نعرف احنا بنتكلم فين ونعرف احنا بنقول ايه
واخيرا مش عايزين نضحك علينا حد لان بلدنا بخير برضو واحسن من غيرها بكتيرررررررررررررر والبلد فيها ناس برضو بيعملوا كتير من اجلها من كان يحلم فى يوم ان الامير يكون فيه كل المرافق دى فى وقت قياسى الامير اتعمل فيها كل المرافق الاساسية واحنا هنقعد نقول الحزب الوطنى يعمل او ده يعمل والله ما هينصلح حال اى بلد اللي لما الكل يتحرك والكل يعمل بس مشكلتنا ان كل واحد عايز يقعد تحت الضلة ويقعد مرتاح ويقول الحزب الوطنى يعمل او الوحدة المحلية تعمل ما الكل يتحرك ويعمل بس احنا فالحين فى الشعارات ونتهم اى حد ونضحك على بعض ونمشى مع كلام اى حد وخلاص
ومادام انت وانا وهو عارفين ان البلد جاين ليها فلوس وراحت الفلوس ليها الكل متحركش والكل اتكلم ولا احنا فالحين فى الكلام مع بعض وخلاص
انا شخصيا راضى عن وضع الامير جدا دلوقت لان انا مكنتش اتوقع الامير تكون بالحال ده فى وقت قياسى
وارجوا التعليق يكون باحترام والنقد يكون ياحترام والمواضيع تكون باحترام لانى بجد بشوف فى المنتديات بتاعنا تعلقات فى منتهى قمة عدم الاحترام والتقدير لاى شخص فارجو التعليقات تكون بادب فى الحوار
ومرة اخره ارجوا من الادمن والمشرف حذف اى رد غير لائق وغير محترم

والهي كلامك كله صح يا ديب

اليك شكرى العميق مصطفى كا أنسان واعى ومدرك مايدور
وخوفك على البلد ودية بلدنا ...شعور جميل من الجميع
أشكر كل من رد ولو بكلمة عن البلد ....الله عليكو شباب
الحماس ...والأخلاص....
أما بالنسبة لموضوع الأنارة (طريق المقابر الى مدخل القرية)جارى
أخذ الموافقات عن تدبير 33 عمود من خطة الأحلأل والتجديد
وسوف يتم تصنيعهم من جديدويتم زرعهم على الطريق أن شاء الله
ونصلح غلطة صاحبنا ...ف ..فاتحة فاء يامصطفى
بالنسبة للمبلغ المخصص 60 الف لتزيين الجزء المغطى
جارى صرفه ولكن هناك مشكلة من أهالى القرية بتصرفات بعض منهم
بالقاء الأحجار فىمنطقة التغطيةبالضبط(مثل الدبة اللى قتلت صاحبها)و
وشاكرين أفكاركم مصطفى ...والديب وألأخوة الآخرين
....لكم تحياتى ومحبتى

شكر خاص لرئيس الوحدة المحلية الأستاذ/ عادل النجار
على تنفيذ وعده ..بزراعة الثلاث أعمدة ..ووعده الحر
أمام فيلا عزت الأحمدى..
وتم ذلك يوم الثلاثاء الموافق 26/5/2010
وسوف يتم لاحقا ...خلال شهرين تركيب الكشافات الفوسفورية
عليهم بالأضافة الى الأعمدة الأخرى على الطريق العام

ألف شكر وشكر للاستاذ الفاضل سلامه صقر على المجهودات الرائعه التى قدمها لبلدتنا جعله الله في ميزان حسناته
واحب ان انوه بان الفضل لله ثم لك سبدى لانه لولا وقوفك امام رئيس الوحده ما كان شيئا تغير
شكرا لمروركم الكريم
شكرا لك ابو كريم اعز صديق
سكرا لك يا ديب مرورك رائع
المهاجر لك تقديري
شكر خاص للحبيب الاستاذ سلامه صقر